Уҡыусылар май байрамдарында нисек ял итә?

 2024 йылда Беренсе май байрамдары 4 көн дауам итәсәк: 28 апрелдән башлап 1 майға ҡәҙәр: 27 апрелдә (шәмбе) уҡыусылар  – 29 апрель  (дүшәмбе) көнө өсөн уҡыясаҡ. Белем биреү учреждениеларына был көндә дәрестәрҙе ҡыҫҡартырға кәңәш ителә.

29 һәм 30 апрель – уҡымай торған көндәр.

Шаршамбы, йәғни 2 майҙа, һәм йома көнендә, 3 майҙа балалар уҡыясаҡ.  2 майҙа  барлыҡ мәктәптәрҙә лә республика байарғын күтәреү, гимн башҡарыу буласаҡ һәм сираттан тыш “Разговоры о важном” дәресе уҙасаҡ.

4, 5 май (шәмбе, йәкшәмбе) ял көндәре һанала.  

“Хөрмәтле ата-әсәләр, балалар! Көнкүрештә, йәмәғәт урындарында, велосипедта, самокатта йөрөгәндә хәүефһеҙлектең гади кагыйдәләре тураһында онотмағыҙ! Янғын хәүефһеҙлеге ҡағиҙәләрен,  һыуҙа һәм тимер юл объекттарындағы ҡағиҙәләрҙе үтәгеҙ. Иҫегеҙгә төшөрәм: бәлиғ булмаған балаларға киске 22.00 сәғәттән һуң урамда өлкәндәрһеҙ йөрөргә ярамай”, – тип мөрәжәғәт итә республиканың фән һәм мәғариф министры Илдар  Мәүлетбирҙин. 

Башинформ.