Йомортҡа тураһында нимәләр белергә кәрәк?

Йомортҡаны һалҡынса урында йәиһә тоҙ эсендә һаҡларға кәрәк.

Йомортҡаның һарыһы айырыуса файҙалы. Ул тулыһынса тиерлек эшкәртелеп, файҙалы матдәләргә бүленеп бетә; йөрәкте, мейене һәм тәнде нығыта; күкрәкте, үпкәләрҙең эшсәнлеген яҡшырта; ашҡаҙан, эсәк, һейҙек ҡыуығы ауырыуҙарын дауалай; күп ҡан юғалтҡан кешеләрҙең хәлен яҡшырта.

Тауышты таҙартыу өсөн, һейҙек ҡыуығы эстән янғанда сей йомортҡа һарыһы эсәләр. Ләкин сей йомортҡа һарыһы ашҡаҙанға, бөйөрҙәргә зарарлы — таш ултырырға мөмкин, тәнгә бетсәләр сығара.

Йомортҡаны ярты сей килеш, ярты бешкән килеш ашарға кәрәк. Бының өсөн уны ҡайнар һыуға һалғас, 100-гә тиклем һанарға кәрәк Шул саҡта йомортҡа бешер-бешмәҫ була.

Ә иң яҡшыһы — йомортҡаны һытып, һыуҙа йәки һөттә бешереү.

Тән бешкәндә сей йомортҡа һөртергә кәрәк. Ул уны тиҙ төҙәтә.

https://igelek.ru/