Ҡырғыҙстанда тыуып-үҫкән 27 йәшлек Рәсәй гражданы Бекзотжон Морзакәримов террорсы булып сыҡҡан. Ир бизнес менән шөғөлләнгән һәм Өфө баҙарҙарының береһендә уның ике сауҙа нөктәһе тотҡан. Ир-егеттең әсәһе лә эшҡыуар булған.
Ҡалала шундай шау-шыу тыуҙырған ир Рәсәй территорияһында тыйылған «Ислам дәүләте» халыҡ-ара террорсылыҡ ойошмаһы функционеры булып сыға, ул Башҡортостан башҡалаһында теракт ойошторорға әҙерләнгән.
Башҡортостан мосолмандары Диниә назараты рәйесе Айнур Бирғәлин уның быға тиклем "Рамаҙан" мәсетендә вәғәз уҡығанлығын кире ҡаға.
Фото:proufu.ru