1 апрель - Көлкө көнө

Улы әсәһенә:

- Әсәй, ниңә һин тиҙ үҫтең инде? Бына әле бергә уйнар инек.

***

3 йәшлек малай гел атаһының машинаһына ултырып йөрөгән. Бер заман уны олатаһы үҙенең машинаһына ултыртҡан. Китеп баралар, ти былар. Малай олатаһына:

- Олатай, атайымдың машинаһында йөрөгәндә ағастар шәәәәп итеп йүгерә, ни эшләп һинекендә яй ғына баралар ул?, - тип һорап ҡуйған, ти.

***

Ялҡау юлда барғанда йығылған. Тороп бер аҙ киткәс, абынып, тағы барып төшкән. Шунан һуң:

- Икенсе тапҡырға йығыласағымды белгән булһам, бая йығылғас та, тормаған булыр инем,- тигән була, ти.

***

– Ҡәҙерлем, әйт әле, миңә тиклем һөйәркәләрең күп булдымы?
Ир өндәшмәй. Биш минуттан ҡатын:
– Хәтереңде ҡалдырһам, ғәфү ит!
– Бүлдермә әле, һаман да һанап ятам бит әле.
***

-Уҡыусылар, һеҙҙең иң яратҡан байрамығыҙ ниндәй?
-Карантин!

– Фәтих ағай, – ти бәләкәй малай, – тыуған көнөмә бүләк иткән борғо өсөн һеҙгә ҙур рәхмәт. Шундай ҡиммәтле бүләк.

– Кит инде, ниндәй ҡиммәтле булһын, 60 тин генә тора ул, – ти ир.

– Уның ҡарауы һәр кис һайын атайым да, әсәйем дә мине борғола уйнатмаҫ өсөн 100-әр һум аҡса бирә, – тигән малай, шат йылмайып.

***

Улы атаһынан һорай ти:
- Атай, дәүләт нимә була ул?
- Дәүләт ни, шул ҙур ғаилә кеүек инде: мин - президент, әсәйең - министр, өләсәйең - ФСБ, ә һеҙ балалар - халыҡ,- тип аңлата атаһы.

***

Японияла бурҙарҙы тота торған робот уйлап сығарғандар . Японияла ул 5 минут эсендә 100 бурҙы тотҡан. Америкала - 5 минутта 200 бурҙы .
Ә Рәсәйҙә 5 минут эсендә кемдер роботты урлаған...

***

Табипҡа ҡолаҡтары ҡара янған пациентты килтерәләр.
– Нимә булды?
– Салбар үтекләп тора инем, телефон шылтыраны. Телефон трубкаһы тип, үтекте яңылыш ҡолаҡҡа терәнем…
– Ә икенсеһенә ни булды?
– «Тиҙ ярҙам» саҡыртам тип, үтекте тағы телефон менән бутаным.

***

600-сө «Мерседес» китеп бара. Уның артынан «Ашығыс ярҙам» һәм янғын һүндереү машиналары эйәргән. ЮХХДИ хеҙмәткәрҙәре ирҙе туҡтата. «Ашығыс ярҙам», янғын һүндереү машиналары ла туҡтай.

Инспектор уларға:

– Мин һеҙҙе туҡтатманым бит. Юлығыҙҙы дауам итегеҙ! – ти.

– Улар минең менән! – ти «Мерседес» водителе.

– Быны нисек аңларға? – тип аптырай инспектор.

– Һеҙ йүнһеҙҙәрҙең ғәйебе менән эйәртеп йөрөйөм уларҙы. Һеҙгә йә «аптечка»ны, йә янғын һүндергесте күрһәтергә кәрәк бит.

***

Бер ҡатын десантсы һөйәрен ҡунаҡҡа саҡырғанда ире ҡайтып инә. Ҡунаҡ балконда йәшенә. Унда оҙаҡ тороп, өшөп бөтә һәм ҡыйыулығын йыйып, фатирға кире инә.

– Ғәфү итегеҙ, беҙҙең хәрби күнекмәләр бара ине. Парашюттан һикергәндә ел менән яңылыш һеҙҙең балконға килеп эләктем.

Хужабикәнең асыуы ҡабарғанын күреп, ире уны тынысландыра.

– Был нисауа әле. Кисә минең дуҫтың фатирының бәҙрәфендә геологтар нефть эҙләгән.