Беҙҙә күпме кеше йәшәй?

“Етди һәм киң сара тамамланды. Оло дәүләт бурысы үтәлде. Ентекләп эшләнгән эш булғанға күрә республикала 4,1 миллион кеше иҫәпкә алынды", - тине Радий Хәбиров һәм республика статистары. Улар бөтә  Рәсәй халыҡ иҫәбен алыуҙа ҡатнашҡан барлыҡ кешеләргә рәхмәт белдерҙе.

Шул уҡ ваҡытта оператив кәңәшмәлә "Башстат" рәйесе Әкрәм Ғәниев хәбәр иткәнсә, Башҡортостан халыҡ иҫәбен алыуҙа ҡатнашыу буйынса лидер төбәктәр араһына кергән. Халыҡ һаны буйынса республика Рәсәйҙә етенсе урында тора.

"Кисә федераль әһәмиәттәге иң мөһим кампанияларҙың береһе - бөтә Рәсәй халыҡ һанын ҡабул итеү тамамланды. Тап ошо ысул ғына дөйөм һанды билдәләй, тулы  картинаны бирә, — тип билдәләп үтте Әкрәм Ғәниев. - Беҙ Башҡортостанда йәшәүсе күп кенә "төньяҡ пенсионерҙары"н теркәнек, ләкин уларҙың теркәлеүе элеккесә йәшәү урыны буйынса һаҡлана".

Һанлы технологиялар  эште бик тиҙләткән. Улар ярҙамында халыҡ һанын алыуҙың тәүге һөҙөмтәләре апрель айында уҡ, ә  тулы һөҙөмтә киләһе йыл аҙағына тиклем билдәле буласаҡ. Быға элегрәк өс-дүрт йыл кәрәк була ине. Әкрәм Ғәниев сараны  яҡтыртыуҙа мәғлүмәт сараларының әүҙемлеген билдәләне. Был йәһәттән Башҡортостан бөтә Рәсәй рейтингында, Мәскәү һәм Ростов өлкәләренән ҡала, өсөнсө урынды алған.

Фото: асыҡ сығанаҡтан.

shonkar.com