"Үҙ ҡатын-ҡыҙҙар бизнесы" проектында ҡатнаш

“Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" (национальный проект "Малое и среднее предпринимательство и поддержка индивидуальной предпринимательской инициативы") милли проекты сиктәрендә Башҡортостан Республикаһындағы «Бизнес ҡатын-ҡыҙҙары» ассоциацияһы хәрби округта ҡатнашыусыларҙың ҡатын-ҡыҙҙарын бушлай ике айлыҡ «Үҙ ҡатын-ҡыҙҙар бизнесы» программаһында ҡатнашырға һәм үҙ бизнесын асыуҙа ярҙам алырға саҡыра.

Уҡытыу 2024 йылдың декабрендә һәм 2025 йылдың ғинуарында ойошторола. Ул эшҡыуарлыҡ үҫешенең бөтә төп этаптарын: эшҡыуарлыҡ нигеҙҙәрен, маркетинг, финанстар һәм идара итеүҙе үҙ эсенә ала.

- Был программаның мөһимлеге ҡатын-ҡыҙҙарға бизнесты уңышлы алып барыу өсөн шарттар булдырыу, шулай уҡ белем биреүҙе, коучинг һәм психологик ярҙамды үҙ эсенә алған системалы ярҙамға мохтажлыҡ менән бәйле. «Үҙ ҡатын-ҡыҙҙар бизнесы» проекты ҡатнашыусыларға бизнес алып барыу өсөн кәрәкле белем һәм оҫталыҡ алыу мөмкинлеген генә биреп ҡалмай, тәжрибә уртаҡлашыу һәм бер-береһенә ярҙам итеү өсөн киңлек тыуҙыра, - тип билдәләне Башҡортостан Республикаһының эшҡыуарлыҡ һәм туризм министры вазифаһын башҡарыусы Зөһрә Гордиенко.

Программала ҡатнашыусы 50 кешегә өҫтөнлөктәр биреләсәк, шул иҫәптән индивидуаль бизнес-коучинг һәм остазлыҡ, Республика психология үҙәге белгестәренән диагностика һәм реабилитация курстары менән психологик ярҙам, шулай уҡ үҙ проекттарын «Бизнес-премьер»ҙың финал сараһында күрһәтеү мөмкинлеге буласаҡ.

Ғаризалар 2024 йылдың 15 ноябренә тиклем ҡабул ителә. Проектта ҡатнашыу өсөн ошо һылтанма буйынса анкета тултырырға кәрәк. Шунан һуң ҡатнашыусыларҙы һайлап алыу, һөҙөмтәләр иғлан итеү башлана. Урындар һаны сикләнгән.

Был сараларҙың барыһы ла Рәсәй Президенты Владимир Путиндың май указына ярашлы булдырылған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" (национальный проект "Малое и среднее предпринимательство и поддержка индивидуальной предпринимательской инициативы") милли проектына ярашлы атҡарыла.

Фото: БР Хөкүмәте сайтынан.

https://bashgazet.ru