Республикала нисә Бөйөк Ватан һуғышы ветераны йәшәй?

Башҡортостанда 7,3 меңдән ашыу Бөйөк Ватан һуғышы ветераны һәм инвалиды йәшәй. Был хаҡта республика хөкүмәтенең оператив кәңәшмәһендә  премьер-министрҙың беренсе урынбаҫары Урал Килсенбаев хәбәр итте.

Һүҙ 88 яугир, 22 Бөйөк Ватан һуғышы инвалиды, шулай уҡ 5,5 меңдән ашыу тыл эшсәне, бәлиғ булмаған концлагерь тотҡондары, Бөйөк Ватан һуғышында һәләк булғандарҙың (вафат булған) ғаилә ағзалары тураһында бара.

Билдәле булыуынса, Өфөлә Еңеүҙең 80 йыллығына «Ғорурланабыҙ, хәтерләйбеҙ, хөрмәт итәбеҙ» II Хәрби-спорт фестивале ойошторола.

Башинформ.