Литр хаҡы арта: Башҡортостанда бензин йәнә ҡиммәтләнә

RussiaBase порталы мәғлүмәттәренә ярашлы, «БАШНЕФТЬ» автозаправкаларында АИ-92 маркалы бензиндың бер литры 58 һумға еткән (үҫеш 0,26%). АИ-92+ хәҙер 59,30 һум тора (+0,25%), Ә АИ-95+ — 63,05 һум (+0,16%). Дизель яғыулығына хаҡ элеккесә ҡалған — бер литры 69,4 һум. «Лукойл» яғыулыҡ ҡойоу станцияларында АИ-92 бензинының бер литры 60,43 һумға (+0,5%), АИ-95 64,96 һумға (+0,46%), Ә АИ — 100 88,68 һумға (+1,37%) тиклем ҡиммәтләнгән. Дизель яғыулығының бер литры 72,06 һум тора. Алдағы көндәрҙә хаҡтарҙың артыуы хаҡында билдәле булды.

Башинформ.