Изге эшкә ҡушылдылар

"Балалар ижады үҙәге"командаһы ирекмәндәре битараф булмаған кешеләр менән берлектә гуманитар ярҙам йыйҙы. Бишбүләк районының «Беренселәр хәрәкәте» урындағы бүлексәһенең эшен ойоштороу буйынса белгес Екатерина Игоревна Ефимова тырышлығы менән йөк тейешле урынға оҙатылды һәм Миәкә районының Ҡанбәк ауылындағы йортһоҙ бесәйҙәр һәм эттәр өсөн "Эрзик" приютына тапшырылды. 

Вайымһыҙ ҡалмағандарға һәм ярҙамға ҡушылғандарға айырым рәхмәт еткерге килә, еҙҙең изге йөрәгегеҙ был донъяны яҡшыраҡ итә! Бергәләп беҙ күберәк эшләй алабыҙ, һәм һәр аҙымыбыҙ — ул бәләкәй дуҫтарыбыҙҙың киләсәгенә һәм именлегенә өлөш индереү.