Табип 6 миллион һумынан ҡолаҡ ҡаҡҡан

Табип «хәүефһеҙ иҫәп» тураһындағы легендаға ышанып, аферисттарға 6 миллион һум самаһы аҡса күсерә.

Барыһы ла һаулыҡ һаҡлау министрлығынан конвертты килтереү тураһында мессенджерҙағы хәбәрҙән башлана. Һуңынан "курьер" телефон аша СМС-кодты һорап ала. Бынан һуң табипҡа уның «Дәүләт хеҙмәттәре» аккаунтына инеү һәм уның исеменән кредит алыу тураһында хәбәр итәләр. Мутлашыусылар, «Дәүләт хеҙмәттәре», Үҙәк Банк һәм көс структуралары хеҙмәткәрҙәре булып, енәйәт яуаплылығы менән ҡурҡыта һәм хәл тураһында кемгәлер һөйләүҙе тыя.

Уларҙың тыңлап ир 5 миллион һумдан ашыу үҙенең аҡсаһын банк иҫәбенән сисә һәм 700 мең һумлыҡ кредит ала, бөтә аҡсаны «хәүефһеҙ иҫәпкә» күсерә. Тағы 850 мең талап иткәс кенә табип аферистар ҡорбаны булыуын аңлай һәм полицияға мөрәжәғәт итә.