Һәр яҡлап ярҙам итәләр

Район ирекмәндәре махсус хәрби операцияла ҡатнашыусыларға ебәреү өсөн маскировка селтәрҙәре үрә, посылкалар әҙерләй, кикимора  костюмдары үрә, бынан тыш, йәйгеһен тәбиғәткә сығып, сәй әҙерләү өсөн төрлө үләндәр йыя. Әле иһә һалдаттарға миндек әҙерләү буйынса өмә үткән. А.Г.Васильева ойошторған сарала Бишбүләк районы хәкимиәтенең социаль мәсьәләләр буйынса урынбаҫары А.А.Данилов әүҙем ирекмәндәргә Рәхмәт хаттары тапшырған. 

Күмәкләгән яу ҡайтарған тигәндәй, барыһы ла күтәренке кәйеф менән эшләгән. Ошондай оло эш башҡарыусыларҙың барыһына ла тик оло рәхмәт кенә әйтке килә, өмә барышында йөҙҙән ашыу миндек бәйләнгән һәм тиҙҙән махсус хәрби операция зонаһына ебәреләсәк. Ә йәйгеһен тәбиғәттә булыу, бер-берең менән аралашыу кем әйтмешләй, йәнгә – дауа, күңелгә – шифа.