Дим буйҙары
-18 °С
Болотло
75 лет Победы
Бөтә яңылыҡтар
ИҠТИСАД
10 Ғинуар 2020, 14:15

Үҙ эше менән мәшғүлдәргә һалым һалына

Яңы йылдан республикабыҙҙа йәшәгән һәм үҙаллы мәшғүллек менән шөғөлләнгән кешеләр яңы төр һалым түләй ала. Әлеге башланғыс кешеләргә бәләкәй бизнестарын, өҫтәмә шөғөлдәрен рәсмиләштерергә ярҙам итәсәк.

Иң мөһиме, шуны белеү зарур: үҙаллы мәшғүллек менән шөғөл­ләнеүселәргә һалым – ул бурыс түгел, ә хоҡуҡ. Теләһәгеҙ, уның менән ҡуллана алаһығыҙ, теләмәһәгеҙ – юҡ.

Ставкалар ҙур түгел: әгәр башҡа граждандарҙан аҡса килһә – дүрт процент, юридик шәхестәрҙән һәм шәхси эшҡыуарҙарҙан – алты процент. Һеҙ бер үк мәлдә ябай кешеләрҙән дә, компанияларҙан да аҡса ала алаһығыҙ, һалым һәр килемдең төрөнә ҡарап билдә­ләнәсәк.

Был яңы башланғыс менән тү­бәндәге кешеләр ҡуллана ала:
* Етәксеһе һәм ҡул аҫтында эшләүселәре булмаған, йәғни барыһын да үҙе башҡарған кешеләр.

* Башҡортостан биләмәһендә эшләүселәр.

* Йылына 2,4 миллион һумға тиклем (айына уртаса 200 мең һум) аҡса эшләүселәр. Айлыҡ килем буйынса сикләүҙәр юҡ, ғинуарҙа 10 мең һум табыш алып, декабрҙә 500 мең алыуығыҙ ихтимал. Йыллыҡ сикте үтмәү генә мөһим. Әгәр был талап үтәлмәһә, ғәҙәти һалым ставкаһы буйынса, йәғни 13 процент һалым түләйәсәкһегеҙ.

* Үҙ ҡулдары менән нимәлер эшләп һатыусылар, хеҙмәт күрһәтеүселәр. Был осраҡта фотографтар, маникюр оҫталары, парикмахерҙар, төрлө текст яҙыусылар, сайт эшләүселәр, үҙ өйөндә заказ буйынса торт бешереүселәр тураһында һүҙ бара. Ҡуртымға фатир биреүселәр ҙә әлеге режим менән файҙалана ала.

Был яңылыҡтың файҙаһы нимәлә? Һеҙ рәсми рәүештә эшҡыуарлыҡ менән шөғөлләнә, үҙегеҙҙе матбуғат сараларында һәм социаль селтәрҙәрҙә рекламалай алаһығыҙ. Һалым органдары тарафынан тикшереүҙәрҙән, законһыҙ эшҡыуарлыҡ өсөн штраф­тарҙан ҡурҡырға кәрәкмәйәсәк. Бынан тыш, бөтә ерҙә, мәҫәлән, банктан кредит юллағанда килемегеҙҙе рәсми рәүештә күрһәтеү мөмкинлеге барлыҡҡа киләсәк.
Читайте нас в