Алтын миҙал ни хаҡ?

Рәсәй Федерацияһының спорт министры  Олег Матыцин Токиола Олимпия уйындарында  миҙал өсөн күпме түләнәсәген белдерҙе. Етәксе әйтеүенсә, 

алтын миҙалдар өсөн - 4 миллион һум, көмөш өсөн — 2,5 миллион, бронза өсөн — 1,7 миллион һум ҡаралған. Бынан тыш, спорт миҙгеле йомғаҡтары  буйынса  Рәсәй Федерацияһы президенты стипендиялары ла билдәләнгән  — был 52 мең һум аҡса.

2 авгусҡа Рәсәй спортсылары  миҙалдар һаны буйынса бишенсе урынды биләй. Әлегә  беҙҙең спортсылар 12 алтын, 19 көмөш һәм 13 бронза наградаға лайыҡ булды.

Башҡортостанда ла халыҡ-ара, шулай уҡ ярыштарҙа призлы урындар алғандарға матди дәртләндереү бар. Олимпия, Паралимпия һәм сурдлимпия уйындарында еңеүселәргә 2 миллион һум ҡаралған.  Икенсе һәм өсөнсө урынды яулаусылар - 1 миллион һәм 1,5 миллион һум аласаҡ.

Әйткәндәй, Башҡортостан спортсылары әлегә ике миҙал яуланы. Аделина Заһиҙуллина фехтованиела команда составында  алтын миҙал килтерҙе. Ошо уҡ дисциплинала Тимур Сафин көмөш миҙал яуланы.

shonkar.com