Дим буйҙары
-21 °С
Болотло
75 лет Победы
Бөтә яңылыҡтар
ЙӘМҒИӘТ
2 Июль 2018, 16:58

Кем эшләргә теләй - шул юлын таба

“Тулбай” ауыл хужалығы ҡулланыусылар кооперативын формалаштырыуҙа һәм үҫеүҙә ышаныслы аҙымдар яһайЗаманса баҙарҙың ҡырыҫ шарттарында беҙҙең республика кеүек үк район ауыл хужалығы тармағының киләсәге бындай форма һәм үҫешкә тап бына ауыл хужалығы етештереүселәр кооперативы аша килергә тейеш.

Районда 2017 йылда “Тулбай” беренсе ауыл хужалығы ҡулланыусылар кооперативы эшләй башланы. Әлеге кооператив пайсыларының дөйөм йыйылышында рәйес итеп Тулбай ауылында йәшәүсе Рәфил Арыҫланов һайланды. Уның менән ауыл хужалығы эштәренең кооператив формаһының беренсе һөҙөмтәләре хаҡында, йәғни әлеге яңы эштә ҡыйынлыҡтар һәм уның ағзалары конкрет нимә менән шөғөлләнеүҙәре турында һөйләшәбеҙ.

Беҙ ғәҙәти эшкә тотонманык. Ныҡлап уйлағандан һуң ғына был аҙымға барырға булдыҡ. Беҙҙең кооперативта бөгөн 30 кеше эшл!й. Пайсыларҙың төп эшсәнлеге – ике торлаҡ пунктынан һөт йыйыу һәм һ!т продукцияһын Бәләбәй һөт комбинатына ебәреү, - ти Рәфил Марат улы. – Былтыр эшҡыуарлыҡҡа бүленгән район программаһы ярҙамы менән яңы танк-һыуытҡыс һатып алдыҡ. Ул ике тонна һөткә иҫәпләнгән. Көн һайын беренсе сортлы һәм 3.6 процент майлылығы менән бер тоннанан артыҡ һөт йыйып, һөт заводына ебәрәбеҙ.

Арыҫлановтарҙың “һөт эше” күптәнге ғаилә бизнесы. Туған Тулбай ауылында һөт йыйыусы булып егерме йылға яҡын Рәфилнең әсәһе Рәйлә Нурдәүләт ҡыҙы эшләгән. ул хәҙер ире Марат Ильяс улы менән, хаҡлы ялда булараҡ, улдарына хужалыҡ эштәрен алып барырға ярҙамлаша. Арыҫлановтарҙың фермер хужалығында симменталь тоҡомло илле һауын һыйыры, йөҙҙән ашыу һарыҡ, аттар, ҡаҙҙар һәм тауыҡтар бар. Өләсәй менән олатайға ейән-ейәнсәрҙәре лә ярҙамлаша. Ун туғыҙ йәшлек Владислав быйыл Аксен агросәнәғәт колледжын ҡыҙыл дипломға тамамлаған, һәм һынауҙарҙы уңышлы үтеп, Башҡорт дәүләт аграр университетына уҡырға ингән. эвелина Дим урта мәктәбенең 9-сы класына күскән. Тулбай”кооперативының һөт йыйыусыһы, диспетчеры һәм хисапсыһы булып рәйестең тормош иптәше Ольга Николаевна эшләй. Ул һәр көн үҙенең тағылмалы шәхси автомобилендә халыҡтан һөт йыя. Бөгөн малсылыҡ тармағының үҫешенә һәм һөт продукцияһына таянған ике ауыл халҡы өсөн был берҙән-бер аҡса эшләү ысулы.

Беҙ артабан да эшебеҙҙе й!йелдерергә иҫәп тотабыҙ. – ти ышаныс менән 2015 йылда ит һәм һөт продукцияһын етештереүҙә юғары күрһәткестәргә ирешкәне өсөн РФ Ауыл хужалығы министрлығының көмөш миҙалы һәм ”Алтын көҙ” дипломы менән бүләкләнгән Тулбай фермеры. – Быйыл республика программаһында ҡатнашырға теләйбеҙ. Беҙгә ашығыс рәүештә 2 миллион 340 мең һумлыҡ йыһаз: һөт ташыу машинаһы, һөт сифатын тикшереү өсөн тестер, һыуытҡыс камера, үлсәү. Пайсыларҙың мал-тыуары өсөн уратаҡ аҙыҡ әҙерләү өсөн башҡа кәрәкле техника һатып алырға кәрәк. Бергәләп тотонғанда. Беҙҙең барыһы ла килеп сығыр, тип уйлайым. Һөткә хаҡтар ғына төшмәһен. Хәҙер ул 13 һум 50 тинтора.

Рәфил Марат улы һәм уның ғаиләһе кеүек төпкөл ауылдарға битараф булмаусылар арҡаһында районда позитив үҙгәрештәр барлыҡҡа килә. Улар ауылда йәшәүселәрҙең бик күп проблемаларын ваҡытында хәл итергә ярҙам итә, урам һәм юлдарҙы төҙөкләндереүҙә әүҙем ҡатнаша. Шулай уҡ ауыл хужалығы ҡулланыу кооперативтарын алға ебәреүгә булышлыҡ итәләр.