Дим буйҙары
-21 °С
Болотло
75 лет Победы
Бөтә яңылыҡтар
ЙӘМҒИӘТ
19 Ноябрь 2018, 15:20

Эштәргә йомғаҡ яһалды

Киров исемендәге кооператив хеҙмәтсәндәре эш йомғаҡтарына һығымта яһаны һәм етештереү алдынғыларын хөрмәтләп үтте

Йола буйынса, баҫыу эштәре тамамланғандан һуң, игенселәрҙең һәм малсыларҙың эштәренә анализ яһалды. Ауыл хужалығы кооперативы ашханаһының мул табыны артына механизаторҙар, һыйыр һауыусылар hәм малсылар, белгестәр hәм хужалыҡ идараһы ағзалары йыйылды.

Кооператив хеҙмәткәрҙәрен Бишбүләк район ветеринария станцияһы начальнигы Радмир Фәйзуханов, район ауыл хужалығы идараһының баш зоотехнигы Шайнур Лоҡманов hәм Бишбүләк ауыл Советы ауыл биләмәһе башлығының урынбаҫары Анатолий Кожаев Ауыл хужалығы хеҙмәткәрҙәре көнө менән ҡотланы.

Киров исемендәге кооператив — районда белгестәрҙең тулы штаты булған берҙән-бер ауыл хужалығы предприятиеһы, кооперативта 67 кеше эшләй.

Хужалыҡ етәксеһе Олег Рузаков игенселектә hәм малсылыҡтағы төп ҡаҙаныштар тураһында һөйләне. Yҫемлекселектә төп эште тиҫтә йылдар дауамында һыналған 11 кеше башҡара.

Быйыл сәсеү майҙандары 2500 гектарҙан ашыу булған. Уңыштың тулаййым йыйымы 18820 тонна булған, уртаса уңыш гектарынан 15 центнер тәшкил иткән. Ҡоролоҡ арҡаһында уҙған йыл йыйылғандың яртыһын ғына йыйып ала алғандар. Барыһын да экономияларға тура киләсәк. Хужалыҡ складтары буш тормай. Артабан үҫеш өсөн резервтар hәм потенциал бар. Кировтар буласаҡ уңыш өсөн 40 тонна яғыулыҡ-майлау запасын туплай алған.

Yҫемлекселек тармағында көтөлгән һөҙөмтәгә ирешә алмаһалар ҙа, малсылыҡта хәлдәр тотороҡло. Һыйыр малының һаны бөгөн 750 баш тәшкил итә, шуларҙан 320 — һауым һыйыры. Һуңғы ете йылда бындай күләмдә мал-тыуар булмаған. Ауыл хужалығы кооперативында 57 берәмек ат бар. Һөттөң 80 процентын һөт комбинатына юғары сорт менән тапшырғандар. Хужалыҡтың һөт-тауар фермаһында 14 малсы, 11 һауынсы hәм алты-ете сезонлы хеҙмәткәр эшләй. Ферма мөдире вазифаһын Александр Михайлов яҡшы башҡара. Тулайым һөт күләме — 13284 центнер, әммә был уҙған йылға ҡарағанда күпкә яҡшыраҡ. Һәр һыйырҙан 10 ай эсендә 4 мең кг һөт алғандар. Артым ярайһы булған: мал-тыуар көн һайын 360 граммга артҡан. Күрһәткестәр тағы ла яҡшыраҡ булыр ине, әммә ситтәге көтөүлектәрҙә өс малсы урынына ни бары бер генә кеше эшләгән.

— Беҙ аяҡта ныҡлы баҫып торабыҙ, бер кемгә дә бәйле hәм бер кемгә бурыслы түгел. Беҙҙең банктар, һалым органдары hәм башҡа ведомстволар алдында бурысыбыҙ юҡ, — тине Олег Никанорович. — Бухгалтерия hәр аҡса hәм хеҙмәт көнө иҫәбен алып бара. Кооперативтың 67 ағзаһынан 26 кеше эшкә сығыу нормаһын үтәмәне. Бына шуға күрә лә техника МТМ-ла йыш «эшһыҙ ултырҙы». Әммә икенсе йыл беҙҙең райондан Өфөлә уҙған республика тантанаһында тәҡдим итeрҙәй кешебеҙ юҡ. Тимәк, яҡшыраҡ эшләргә hәм үҙ ҡараштарыңды яҡларға кәрәк. Беҙ үҙ алдынғыларыбыҙҙы бүләкләргә тырышабыҙ. Йыл һайын кооператив ағзалары «Тонус» санаторий-профилакторийына бушлай йүнәлтмә ала. Ошо көндәрҙә һаулығын нығытырға кәрәк булған һигеҙ кешенең кандидатураһын ҡараясаҡбыҙ. Сара аҙағында барлыҡ етештереү алдынғыларына аҡсалата премиялар тапшырҙылар.

Владимир СМОЛОВ.

Автор фотоһы.