Иң ҙур конкурс ҡайҙа көтөлә?

Бер урынға дәғүә итеүселәрҙең һаны барыһынан да күп булыу — бюджет урындары аз, ә унда уҡырға керергә теләүселәрҙең бихисап булыуына бәйле.

Былтыр, мәҫәлән, һөҙөмтәләр күрһәтеүенчә, БДУ-ҙың роман-герман филология факультетына бер урынға 31 кеше дәғүә иткән, ә бюджет урындар бары тик 4 кенә булған. Шул уҡ юғары уҡыу йортонда 14 кенә бюджет урыны булған юриспруденция белгеслеге буйынса бер урынға 37 кеше иҫәп тотҡан. Персонал менән идара итеүсе белгеслеккә — 70, иҡтисад йүнәлешенә — 53, сауҙа эшенә 45 уҡыусы дәғүә иткән.

М. Аҡмулла исемендәге БДПУ-ҙа, уҙған йыл һөҙөмтәләре буйынса, иң юғары конкурс “Хоҡуҡ һәм хоҡуҡ һаҡлау эшсәнлеге” белгеслеге буйынса — 21,1, “Тәржемә һәм тәржемә белеме”нә — 20,2, “Генетика” буйынса бер урынға 17 кеше булған.

Быйыл иң юғары конкурс ҡайҙа буласағын әлегә теүәл генә әйтеп булмай.

"Кызыл таң" гәзитенән.