“Беҙ тәбиғәт менән дуҫбыҙ!”

Уҡыусылар түҙемһеҙлек менән көтөп алған сараның девизы – “Беҙ тәбиғәт менән дуҫбыҙ – сүп-сар беҙгә кәрәкмәй!” Балалар унда ҙур теләк менән ҡатнашты.

Фестиваль барышында Зауыҡлы биләмәләр йылына арналған арт-объекттар һәм икенсел сеймалдан яһалған әйберҙәр күргәҙмәһе, “Беҙ сүп-сарҙы айырып йыйыу яҡлы” плакаттар конкурсы ойошторолдо.

Сараны Башҡортостандың Тәбиғәттән файҙаланыу һәм экология министрлығы, Өфө хакимиәтенең Мәғариф идаралығы, баш ҡаланың Балалар экология-биология үҙәге үткәрҙе.

Балалар экология-биология үҙәге директоры Әлфиә Һөйөндөкова әйтеүенсә, фестивалдә Өфөләге өҫтәмә белем биреү учреждениеларынан 1500-ҙән ашыу уҡыусы ҡатнашты. Балаларҙы айырыуса конкурстар ҡыҙыҡһындырҙы.

Башинформ.