Ялған "банк хеҙмәткәрҙәре" шылтырата

Ни әйтергә лә белеп булмай: бер яҡтан, аҡсаларынан яҙған, кредитҡа батҡан кешеләр йәл, икенсе яҡтан, уларға асыу килә - нимәләре менән уйлап, билдәһеҙ кешеләргә ышанып, аҡса күсерәләр һуң?! 

Салауат ҡалаһында йәшәгән 60 йәшлек ир, инвестициянан табыш алырға өмөтләнеп, үҙ иҫәбендә ятҡан 1 млн 300 меңде муттарға күсереү етмәгән, 1 млн 900 мең һум кредит алып, төрлө билдәһеҙ иҫәптәргә һалған.

Өфөлә йәшәгән 21 йәшлек ҡыҙға ла «Инстаграм»дағы яңы "дуҫы", йәнәһе лә, брокер компанияһы хеҙмәткәре, инвестицияларҙан табыш алырға тәҡдим иткән. Ҡыҙ 450 мең һум кредит алып, муттың иҫәбенә күсергән.

Йәрмәкәй районынан 55 йәшлек ҡатын ялған "банк хеҙмәткәренең" һүҙен тыңлап, 500 мең һум аҡсаһын уға һелтәгән...

Фото: асыҡ сығанаҡтарҙан.

ye102.ru