Өфөлә йәш оҫталар йыйыла

Иң ҙур делегация Мәскәү ҡалаһынан, 411, Санкт-Петербургтан -  110 кеше килеүе көтөлә. 

Финалда 100-ҙән ашыу һөнәр буйынса ярыш ойошторола. Чемпионатта илдең 75 төбәгенән йыйылған командалар көс һынаша. Улар – ярыштың төбәк этабы еңеүселәре.

Башҡортостан командаһы 500-гә яҡын кешенән тора. Улар 103 төрлө бәйгелә үҙҙәренең оҫталығын күрһәтәсәк. 

Конкурсты асыу тантанаһы Өфөнөң «Торатау» конгресс-холы янындағы амфитеатрҙа үтә. «Йәш һөнәрмәндәр» чемпионаты барышында популяр башҡарыусы Егор Кридтың сығышы көтөлә. Шулай уҡ дрондар тамашаһы күрһәтеләсәк.

Башинформ.