"Ватанды һаҡлаусылар " фонды әүҙем эшмәкәрлек алып бара

Марина Савельева һәм Айгөл Мостафина-  Белорет районындағы "Ватанды һаҡлаусылар" фонды филиалының социаль координаторҙары. Яраланғандан һуң, ҡыҫҡа ваҡытлы ялға ҡайтҡан Александр Фроловҡа кәрәкле документтар әҙерләп, хәрби-табип комиссияһын үтергә ярҙам иттеләр. Хәҙер яугир тыуған ҡалаһында дауалана һәм операцияға әҙерләнә. Ул февралгә тәғәйенләнгән.

Өфө районында социаль координатор Алина Чудова "Ватанды һаҡлаусылар" фонды ҡарамағындағы инвалидтарҙың торлаҡ бинаһын яраҡлаштырыу буйынса күсмә комиссиялар менән эшен дауам итә. Сираттағы комиссия Илгиз Ахуновтың фатирында булды. Ул инвалидтың үҙ фатирында һәм эргә-тирәһендә уңайлы йәшәүе өсөн бөтә тейешле саралар урынлаштырыу тураһында ҡарар ҡабул итә. Эштәр тиҙҙән башланасаҡ.

Бәләбәй районынан һәләк булған герой әсәһе онна Золотареваға "Ватанды һаҡлаусылар" фондының Башҡортостандағы филиалының социаль координаторы Юлиә Хөсәйенова комплекслы ярҙам күрһәтә. Юлиә Хөсәйенова бик күп эштәр башҡара: концерттарға һәм төрлө сараларға саҡыра, кәрәкле документтар әҙерләүҙә ярҙам итә, ә күптән түгел утын алырға ярҙам итте.

Ошо көндәрҙә социаль координаторҙан ҡар таҙартыуҙа ярҙам һорайҙар.  Социаль координатор ярҙам һорап мөоәғәт иткәндән һуң, "Теплоэнерго" компанияһы хеҙмәткәрҙәре ярҙам итә. Улар килеп, ярты сәғәт эсендә ҡарҙы таҙарта.

ural-rb.ru