Хәбиров ужым культураларын йыйыу буйынса алдынғы райондарҙы атаны

Башҡортостандың Стәрлетамаҡ, Ауырғазы һәм Ҡырмыҫҡалы райондары игенселәре 2026 йылғы кампанияла ужым культураларын йыйыу буйынса алдынғылыҡты бирмәй. Был хаҡта Башҡортостан Башлығы Радий Хәбиров социаль селтәрҙәге сәхифәһендә хәбәр итте.

Республика етәксеһе мәғлүмәттәре буйынса, 96 мең гектар майҙанда эштәр тамамланған, был культуралар биләгән баҫыуҙарҙың өстән бер өлөшөн тәшкил итә.

«Яңы уңыштан 351 мең тонна игенен һуғып алынған. Гектарынан уртаса 39 центнер уңыш йыйыла – яҡшы һан! Игенселәрҙең эше күп әле. Сиратта – борсаҡ, арпа, яҙғы бойҙай, майлы культуралар. Республика аграрийҙары алдында баш эйәбеҙ. Ауырлыҡтарға ҡарамаҫтан, улар лайыҡлы һөҙөмтәләр күрһәтә. Беҙҙең аҙыҡ-түлек хәүефһеҙлеге, һис бер арттырыуһыҙ, шунан тора», – тине Хәбиров.