Борсаҡ. ноғот, фасолде әҙерләй беләһеҙме?

Борсаҡ, ноғот, яҫмыҡ, фасолдән бик тәмле ризыҡтар әҙерләргә була. Әммә ҡуҙаҡлыларҙың бер насар яғы бар: ашҡаҙан-эсәк трактында газ барлыҡҡа килтерәләр. Ашҡаҙан өсөн дә улар — ауыр ризыҡ.

Әммә был ҡуҙаҡлыларҙан баш тартырға сәбәп булырга тейеш түгел. Газдар барлыҡҡа килтереү үҙенсәлеген кәметеү өсөн, ҡуҙаҡлыларҙы дөрөҫ әҙерләргә кәрәк.

Уларҙы 8-9 сәғәткә һалҡын һыуға һалып тороғоҙ, унан һуң һарҡытығыҙ, тағын һыу ағыҙығыҙ. Ҡайнап сыҡҡас, плитаның утын кәметегеҙ. Шулай итеп, һүрән утта 1 сәғәт бешерергә кәрәк.