Ҡаты коммуналь ҡалдыҡтар йыйыу урыны төҙөкләндерелә

Уҙған йыл «сyп реформаһы»н тормошҡа ашырыу барышында район халҡы hәм реформаны ғәмәлгә ашырыуҙа туранан-тура ҡатнашыусылар араһында шаҡтай бәхәсле мәсьәләләр килеп тыуҙы. Төп проблема, әлбиттә инде, халыҡтың түләргә теләге булмауы ине, башта сүпте сығарыу ҙа даими рәүештә башҡарылманы — баҡтар шығырым тулы ине hәм контейнер майҙансыҡтары санитар талаптарға яуап бирмәне. Әммә бөгөн был йүнәлештә ыңғай һөҙөмтәләр бар. Халыҡ сүп-сар йыйыуға күпмелер дәрәжәлә «күнеккән», төбәк операторҙары сүп-сарҙы ваҡытында сығара, баҡтар hәр ваҡыт буш тиерлек. Бынан тыш, районда СанПин талаптары нигеҙендә ҡаты коммуналь ҡалдыҡтар урындарын тәртипкә килтерә башланылар. Уҙған аҙнала ҡайһы бер контейнер майҙансыҡтары яңы төҫ алды — бикле ҡоймалар барлыҡҡа килде, бактар бетон нигеҙендә урынлаштырылған.

— Әлегe 10-ға яҡын контейнер майҙансығы төҙөкләндерелде. Йыл дауамында шундай 40-тан ашыу ҡоймалар урынлаштырырға планлаштырабыҙ, — тип аңлата Бишбүләк ауыл Советы ауыл биләмәһе башлығы Илдар Рәхим улы Ситдиҡов. Сүп майҙансыҡтарын әҙерләү менән «Стройсервис», «Бижбулякгазстрой» йәмғиәттәре шөғөлләнә.

Айгөл Гәрәева.