Балан сәскә атыуын көтөгөҙ...

Быйыл яҙ иртә килде. Майҙың беренсе көндәрендә үк муйыл, слива, груша ағастары ап-аҡ сәскәгә төрөндө. Күп кенә баҡсасылар тәҙрә төбөндә ултырған үҫентеләрҙе ҡапламайынса ғына сығарып ултыртырға яраймы икән тип баш вата.
Халыҡта элек-электән “яҙын балан сәскә атһа, ҡырауҙар булмай” тигән фараздар йәшәп килә. Баҡсасылар ҙа был һынамыш менән килешә.
Баландың беренсе сәскәләре күренеү менән помидор, татлы борос, баклажан үҫентеләрен асыҡ түтәлгә сығарып ултыртырға була. Был инде башҡаса һалҡындар булмай, ҡырау төшмәй тигәнде аңлата.
Фото:livejournal.com