Ҡарбуз алһаң, абай бул!

Ҡауын себененең тере ҡарышлауыҡтары булған ҡарбуздар килтерелгән. Был осраҡ Россельхознадзор хеҙмәткәрҙәре тарафынан асыҡланған.

Ҡарбуздар Ҡаҙағстандан индерелгән. Барлыҡ партия - ә был 22 тонна – махсус препараттар менән эшкәртелгән. Зарарһыҙландырылған продукция һатыуға оҙатылған, хәҙер ул кеше һаулығына ҡурҡыныс тыуҙырмай.

Ҡауын себене – ҡабаҡ ғаиләләренә ҡараған үҫемлектәргә етди зыян килтерә: ҡарбуз, ҡауын, ҡабаҡ, ҡыяр һәм башҡалар. Зарарланған йәшелсә-емеш серей.