"Пинчер" торты

Бисквит:
- 6 йомортҡа
- 1 стакан шәкәр
- 1 стакан һөт
- 1,5 стакан он
- 0,5 стакан көнбағыш майы
- 2 аш ҡалағы какао
- 1 ҡап ҡамыр йомшартҡыс (1 балғалаҡ сода)

Крем:
- 700 г һарҡытылған ҡаймаҡ (20%)
- 100 г ҡайнатылғанын ҡуйыртылған һөт
- 120 г шәкәр пудраһы

1.Йомортҡалар менән шәкәрҙе күпергәнсе туғырға (5-7 минут).
2.Һөттө, майҙы ҡушырға.
3.Ҡоро ингредиенттарҙы иләк аша үткәреп өҫтәргә, яҡшылап болғатырға.
4.Листҡа пергамент ҡағыҙы түшәп, ҡамырҙы ҡойоп тигеҙләргә.
5.180 градусҡаса ҡыҙған мейестә 30-40 минут бешерергә. Әҙерлеген шырпы төртөп тикшерергә.
6.Бисквит һыуынғансы крем әҙерләйбеҙ. 1 л ҡаймаҡты алдан һарҡытып алырға ла, уға ҡайнатылғанын ҡуйыртылған һөттө, шәкәр пудраһы ҡушып, яҡшылап туғырға.
7.Бисквитты ромбиктарға киҫергә, һәр береһен кремға манып, тау формаһында өйөп теҙергә.
8.2-3 сәғәткә һыуытҡысҡа оҙатырға.
Крем әҙерәк һеңгәс, торттың өҫтөн иретелгән шоколад менән биҙәргә була.
Сәйҙәрегеҙ тәмле булһын!