Йомшаҡ ҡына кәбеҫтә менән ит бәлеше

Кәрәк була:
Ҙур булмаған кәбеҫтәнең яртыһы;
350-400г. үткәрелгән һыйыр ите (фарш), тауыҡ ите лә бара;
тоҙ, приправалар, укроп, петрушка, йәшел һуған;
1 стакан кефир
1 стакан майонез
3 йомортҡа
1 сәй ҡалағы сода йәки 1 пакет разрыхлитель;
8 аш ҡалағы он, өймәләм ҡалаҡ;
Бәлештең өҫтөн һөртөр өсөн йомортҡа ағы.

Әҙерләү:
1. Кәбеҫтәне ыуаҡ итеп тураҡлайбыҙ;
2. Әҙ генә һыуға һалып, ҡайнатып сығарғас 1 минуттан һуң һыуын һарҡытабыҙ, кәбеҫтәне йомшартып алабыҙ шулай.
3. Петрушка, укроп, йәшел һуғанды ыуаҡ итеп тураҡлайбыҙ;
4. Фаршты көнбағыш майында ҡурып алабыҙ, тоҙ ҡушып. Фарш әҙер.
5. Кәбеҫтә менән фаршты ҡушып болғайбыҙ, петрушка-укроптарҙы, йәшел һуғанды ҡушып.
6. Берешәр стакан кефир менән майонезды һауытҡа ҡоябыҙ, 1 с.ҡ. сода һәм 3 йомортҡаны ҡушабыҙ.
7. Шунда 8 аш ҡалағы ондо иләйбеҙ, бөтәһен дә микесер м-н йәки венчик менән туҡыйбыҙ.
8. Табаны майлайбыҙ.
9. Ҡамырҙың яртыһын ҡоябыҙ.
10. Кәбеҫтә менән фаршты һалабыҙ. Өҫтөнә ҡалған ҡамырҙы ҡоябыҙ.
11. Шыйыҡ ҡамырҙы ипләп кенә тигеҙләйбеҙ ҙә, бешерергә ҡуябыҙ.
12. 25-30 минуттан бәлештең бешкәнен тикшереп ҡарайбыҙ ( зубочистка, шпажка менән ) Бешеп сыҡҡан бәлештең өҫтөнә йомортҡа ағын һөртәбеҙ.

Бына инде, йомшаҡ ҡына, тәмле бәлешебеҙ әҙер ҙә! Кинәнеп, рәхәтләнеп ашағыҙ!

Гөлгөнә Байегетова.

gazeta-toratay.rbsmi.r