Йылытыу миҙгеленә әҙерлек

Әлеге ваҡытта үткәргес торбаларҙың йоҙаҡ арматураһы алмаштырыла һәм артабан буяу эштәре башҡарыласаҡ. Был эштәр тулыһынса 10 йылылыҡ ҡоҙоғонда башҡарылған. Шулай уҡ Көньяҡ тыҡрығындағы урам һыу үткәргесен алмаштырыу буйынса эштәр тамамлана. Бында беҙ 150 метр оҙонлоҡтағы һыу үткәргесте алмаштырҙыҡ, артабан яңы һыу үткәргескә ун дүрт ҡулланыусыны тоташтырҙыҡ. Шулай уҡ Ҡыңғыр-Мәнәүез ауылында һәм Совет һәм Дауахана урамдарында һыуүткәргестәрҙе алмаштырыу буйынса эштәр планлаштырыла. Бишбүләк ауылы, унда башҡарылған бөтә эштәрҙең оҙонлоғо 250 метр тәшкил итәсәк. Муниципаль унитар предприятие етәксеһе төрлө объекттарҙа ағымдағы һәм капиталь ремонт менән мәшғүл хеҙмәткәрҙәрҙе телгә алды.

- Йылылыҡ ҡоҙоҡтарын ремонтлау буйынса мобиль бригада менән намыҫлы эш алып барыла, унда иретеп-йәбештереүселәр Владимир Русаков, Рөстәм Рәхмәтуллоев, Батыр Момункулов, Рузил Ғатауллин эшләй. Ҡаҙанлыҡ операторҙары Лариса Трофимова, Олег Ласточкин, Сергей Петров һәм слесарь Андрей Новиков буяу менән мәшғүл. Эш процесын минең тәжрибәле урынбаҫарым Анатолий Александрович Сергеев контролдә тота. Йылылыҡ селтәрҙәрен ремонтлауҙа күрһәткән хеҙмәттәре өсөн «Тепловик» муниципаль унитар предпрниятиеһы етәкселегенән яҡшы иретеп йәбештереүсе Леонид Ильич Фоминға айырым рәхмәт белдерергә теләйем. Ул үҙ эшенең оҫтаһы! Урамдағы һыуүткәргес селтәрҙәрен алмаштырыу һәм уларҙы эш хәлендә тотоу буйынса эштәрҙе цех начальнигы урынбаҫары Вильмир Әхмәтйәнов һәм участка мастеры Виталий Игнатьев етәкселегендә иретеп-йәбештереүселәр Радик Сәйәхов, Александр Егоров, экскаваторсы Роберт Солтанов һәм электр иретеп йәбештереүсе Азат Саниев әүҙем ҡатнаша.

Владимир СМОЛОВ.

Автор фотоһы.