Башҡортостанда бал етештереүгә 3,7 млрд һум аҡса бүленәсәк

БР Иҡтисади үҫеш һәм инвестицион сәйәсәт министрлығының матбуҡғат хеҙмәте хәбәр итеүенсә, өҫтөнлөклө исемлеккә Башҡортостанда «Би Хэппи» йәмғиәтенең эре масштаблы бал производствоһын булдырыу проекты индерелгән. Инвестициялар суммаһы 3,7 млрд. һум тәшкил итә.

Проектты Башҡортостандың 12 районында: Асҡын, Бәләбәй, Балаҡатай, Бишбүләк, Бөрө, Бөрйән, Дүртөйлө, Ғафури, Ишембай, Күгәрсен, Көйөргәҙе һәм Хәйбулла райондарында тормошҡа ашырырға ниәтләйҙәр. Проектты тормошҡа ашырыу ваҡыты - 2028 йылға тиклем. 158 эш урыны булдырыу планлаштырыла.

Ҡарабойҙай, йүкә, ҡатнаш сәскә һәм монофлер балы етештереләсәк. Башҡортостан хакимиәте ярҙам күрһәтергә ниәтләй.

Фото: http://i.mycdn.me

https://gorobzor.ru