Батып барған баланы ҡотҡарам тип...

Мәғлүм булыуынса, бер төркөм йәштәр Ағиҙел буйына ял итергә килгән, һыу ингәндәр. Эргәлә генә балалар ҙа һыуҙа ҡойонған. Бер мәл бәләкәстәрҙең береһе бата башлаған, ә йәштәр ярҙамға ташланған. Һөҙөмтәлә малайҙы саҡ ярға һөйрәп сығарғандар, ә 19 йәшлек егеттең һыуға артабан ҡаршы торорға хәле ҡалмаған – ул һәләк булған.

Мәрхүмдең кәүҙәһен һуңыраҡ водолаздар сығарған.

Һыу – ҙур уяулыҡ талап иткән урын, бәләкәй генә һаҡһыҙлыҡтың да ошондай фажиғәгә килтереүе ихтимал. Батыр йөрәкле егеттең яҡындарына түҙемлек һәм сабырлыҡ теләйбеҙ.

Фото: sokolinfo.ru