Путин хәрби йыйынға саҡырыу тураһында указға ҡул ҡуйҙы

Рәсәй Президенты Владимир Путин запаста булған граждандарҙы 2022 йылда мобилизация әҙерлегенә саҡырыу буйынса указға ҡул ҡуйҙы. Документ рәсми хоҡуҡ-мәғлүмәт порталында баҫылған.

“Запаста булған Рәсәй Федерацияһы граждандарын 2022 йылда Рәсәй Федерацияһы Ҡораллы көстәрендә һәм Федераль именлек хеҙмәте органдарында хәрби йыйын үтеү өсөн саҡырырға”, – тип әйтелә указда.

Рәсәй Хөкүмәтенә һәм субъекттарҙың башҡарма власть органдарына граждандарҙы хәрби йыйынға саҡырыу һәм уны уҙғарыуға бәйле сараның үтәлешен тәьмин итергә ҡушылған.

ural-rb.ru