«Рәсәй саңғы юлы» - 2019

Район башлығы урынбаҫары Валерий Семенов барыһын да сәләмләп үткәндән һуң, барлыҡ ҡатнашыусылар ҙа дөйөм стартҡа баҫты. Трассаны уҙыусыларға лотерея билеттарына приздар отоу мөмкинлеге лә бар ине. Бәхетле билет эйәләре "Тәм донъяһы" ресторанынан өс пицца, һыу фильтры, ауырлыҡ үлсәүе һәм болгарка алды. Унан һуң, кесе йәштәгеләр тәүгеләрҙән булып стартҡа баҫты. Иң йәш саңғысы — Бишбүләк ауылынан Илюша Бучневҡа ни бары биш йәш булһа, иң өлкән саңғысы – Уҫаҡ–Кисеү ауылынан Зөфәр Фәхрисламовҡа 73 йәш ине.

Саңғыға баҫҡан 5-8 йәшлектәр араһынан ете бала үҙ көсөн һынап ҡараны. Беренсе булып Владислав Васильев (Баҙлыҡ ауылы) менән Валерия Ефремова (Михайловка ауылы) килде. Әммә был әле бәйгенең башы ғына ине, 9-10 йәшлектәрҙән инде 30 малай hәм 21 ҡыҙ ярышҡа сыҡты. Улар араһынан Владислав Семенов (Кесе Сиҙәк ауылы) менән Влада Захароваға (Баҙлыҡ ауылы) уңыш йылмайҙы. 13-15 йәшлек үҫмерҙәр араһында иһә 40 малай hәм 25 ҡыҙ көс һынашты. Анатолий Кузьмин (Кече Сиҙәк ауылы) менән Валерий Новиковҡа (Баҙлыҡ ауылы) етеүселәр булманы. 16-17 йәшлек саңғысылар араһында Әскәр Юнысов (Ҡаныҡай ауылы) менән Валентина Васильева (Баҙлыҡ ауылы) еңеүсе тип танылды. 30 йәшкә тиклемге йәштәр араһынан финишҡа тәүгеләрҙән булып Динар Әхмәтшин (Биҡҡол ауыл Советы) менән Марина Колпакова килде. 40 йәшкә тиклемге ир-егеттәр һәм ҡатын-ҡыҙҙарҙан — Олеся Кудряшова (Бишбүләк ауылы) hәм Владимир Фадеев (Михайловка ауылы). 50 йәшкә тиклемгеләрҙән – Миңһылыу Видинеева (Баҙлыҡ ауылы) hәм Владимир Исаев (Ҡушйылға ауылы). 60 йәшкә тиклемгеләрҙән — Рәзимә Хәкимова (Ҡыңғыр-Мәнәүез ауыл Советы) hәм Олег Тихонов (Ҡушйылға ауылы). 60 йәштән өлкәнерәктәрҙән Виталий Афанасьев (Баҙлыҡ ауылы) менән Сәриә Ғизиева (Бишбүләк ауылы) еңеү яуланы.

Ойоштороусылар барлыҡ призерҙарға миҙалдар һәм район хакимиәтенең Маҡтау грамоталарын тапшырҙы. Күптәр билет уйнатыуҙа ҙур бүләктәр отто: һыу таҙартыу өсөн фильтры, үлсәү, көнкүреш приборҙары, пицца h.б.

Владимир Смолов,

автор фотоһы.