Дим буйҙары
-16 °С
Болотло
75 лет Победы
Бөтә яңылыҡтар
ЙӘМҒИӘТ
19 Март 2020, 16:20

Яңы шарттарға яраҡлашабыҙ

Бөгөн Башҡортостандың Һаулыҡ һаҡлау министрлығында төрлө ведомство етәкселәре ҡатнашлығында коронавирус инфекцияһын иҫкәртеү мәсьәләләренә арналған киске брифинг үтте.

Һаулыҡ һаҡлау министры Максим Забелин әйтеүенсә, әле дауаханала 49 кеше табиптар күҙәтеүе аҫтында, сир раҫланған бер осраҡ та юҡ.
Хәлдең көсөргәнешле икәнен аңлап, юғалтыуҙарға, сирҙең таралыуына юл ҡуймау өсөн республика Хөкүмәте яғынан бөтә саралар ҙа күрелә. Һаулыҡ һаҡлау министры әйтеүенсә, мәҫәлән, “Ағиҙел” берекмәһендә көнөнә өс мең данаға яҡын медицина битлеге етештереү ойошторолған, бөгөн дәүләт дарыуханаларына 15 мең битлек килтерелгән, үпкәне яһалма елләтеү аппараттарын алыуға өҫтәмә средстволар бүленгән, шулай уҡ табиптарҙы матди дәртләндереү саралары күреләсәк.
Брифингта мәғариф һәм фән министры Айбулат Хажин уҡыусылар, ата-әсәләр өсөн аңлатма бирҙе. 23 марттан 5 апрелгә тиклем дауам иткән каникулдарҙан һуң республиканың бөтә мәктәптәре лә дистанцияла уҡытыуға күсә. Балалар ял иткән арала уҡытыусылар электрон ҡорамалдарҙы ҡулланыу буйынса квалификация курстары үтәсәк.
Баланы өйҙә ҡалдырырға мөмкинлеге булмаған ата-әсәләр борсолмаһын: мәктәптәрҙә 15 кешенән дә күп булмаған махсус төркөмдәр булдырыласаҡ. Министр “уҡыу программаһы тулыһынса үтәләсәк, балалар йәйгеһен ял итәсәк, йәйге лагерҙар штат режимында эшләйәсәк” тип белдерҙе. Балалар баҡсалары ябылмаясаҡ, бина көн дә йоғошһоҙландырып тороласаҡ.
Һорауҙарығыҙ булһа, ошо телефонға шылтырата алаһығыҙ: 8-347-292-11-52.
Читайте нас в