Машинаңды теләһә ҡайҙа ҡалдырма...

“Күп осраҡта ҡайһы бер автомобиль хужалары үҙҙәренең транспортын газондарҙа, йәйәүлеләр үткәүелдәрендә, балалар һәм спорт майҙансыҡтарында ҡалдыра. Бындай тәртипһеҙ туҡталҡалар ойоштороу ҡаланы бысратып ҡына ҡалмай, ә кешеләргә уңайлы хәрәкәт итеүгә ҡамасаулай”, – ти Мәғлүмәт-аналитика идаралығы – ҡала хакимиәте матбуғат хеҙмәте начальнигы урынбаҫары Лариса Сәлихова.

Мәғлүм булыуынса, бының өсөн штраф ҡаралған. Граждандар өсөн – 1000-2000 һум, ә вазифалы кешеләргә – 5000-10 000 һум, ойошмаларға 20-30 мең һум штраф һалына. Икенсе тапҡыр боҙған осраҡта, штраф күләме ике тапҡыр арттырыла.

Ҡала хакимиәтендә билдәләүҙәренсә, төп маҡсат – штраф һалыу түгел, ә газондарҙы һәм сәскә түтәлдәрен һаҡлау. “Автомобилдәрегеҙҙе махсус бүленгән урында йәки махсус тәғәйенләнештәге автомобиль туҡталҡаларында ҡалдырыуығыҙҙы һорайбыҙ,” – тип мөрәжәғәт итәләр ҡала халҡына ҡала хакимиәтенән.

Фото: Өфө ҡалаһы хакимиәте.

bash.rbsmi.ru