Халыҡты ниндәй мәсьәләләр борсой?

Республикаға идара итеү үҙәге, үткән аҙнаға йомғаҡ яһап, халыҡ мөрәжәғәттәренең иң таралғандары буйынса мәғлүмәт әҙерләне.

ТОП-5-тә бер нисә айҙан һуң беренсе тапҡыр COVID-19 вакцинацияһы икенсе урынға күскән. Ә беренсегә төҙөкләндереү темаһы сыҡҡан – 924 мөрәжәғәт. Вакцинация буйынса һорауҙар 975-кә кәмегән һәм 527 булған.

Өсөнсө урында юл мәсьәләһе тора – “Инцидент-менеджмент”ҡа һәм Кире бәйләнеш платформаһына 320 мөрәжәғәт килгән.

Дүртенсе урында социаль яҡлау мәсьәләләре – 219, бишенселә – торлаҡ-коммуналь хужалыҡ (174).

Үткән аҙнала, унан алдағыһы менән сағыштырғанда, мөрәжәғәттәр һаны 2612-гә кәмегән.

belizv-bash.ru