Башҡортостан Хөкүмәте ҡарарына ярашлы, һәр муниципалитетта максималь сумма билдәләнә, ата-әсәләр балаларының мәктәпкәсә учреждениеға йөрөгәне өсөн ошо хаҡты түләргә тейеш. Балалар баҡсалары үҙҙәре уны арттыра алмай.
2022 йылдың 1 ғинуарынан Өфөлә ата-әсә түләүе көнөнә 157 һум була. Шундай уҡ юғары хаҡтар Стәрлетамаҡта – тәүлегенә 150 һум, Октябрьскийҙа – 132, Нефтекамала – 131. Ҡалалар араһында иң түбән хаҡ Ағиҙелдә – көнөнә 115 һум.
Райондар араһында иң ҡиммәт хаҡ - Өфө (153 һум), Яңауыл (140), Иглин (132), Бәләбәй (131), Ишембай (124) райондарында.
Иң түбән хаҡ - Әбйәлил районында, бында бер көн өсөн 102 һум түләргә кәрәк.