2022 йыл илдә Рәсәй халыҡтарының мәҙәни мираҫы йылы тип иғлан ителде

Президент РФ Владимир Путин 2022 йылды Рәсәй халыҡтарының мәҙәни мираҫы йылы тип иғлан итеүе тураһындағы указға ҡул ҡуйҙы. Дәүләт башлығы указы рәсми хоҡуҡи мәғлүмәт сайтында баҫылған.

Был ҡарар «халыҡ сәнғәтен популярлаштырыу, мәҙәни традицияларҙы, тарих һәм мәҙәниәт ҡомартҡыларын, этномәҙәни төрлөлөктө, Рәсәй Федерацияһының бөтә халыҡтарының һәм этник төркөмдәренең мәҙәни үҙлелеген һаҡлау маҡсатында ҡабул ителде», тиелә документта.

Ике айҙа РФ хөкүмәтенә ойоштороу комитеты булдырыу, шулай уҡ Рәсәй халыҡтарының мәҙәни мираҫы йылын уҙғарыу йәһәтенән төп саралар планын төҙөү эше йөкмәтелде.

Фото асыҡ сығанаҡтарҙан

belizv-bash.ru