Алдаҡсылар таҙағына эләккән

Салауат ҡалаһында йәшәгән 61 йәшлек ханым сит ил музыка төркөмөнөң фанаты булған - дисктар һатып алған, социаль селтәрҙә егеттәрҙең ижадын күҙәтеп барған. Музыкаль коллективтың «солисы» уға яҙып ебәргәс, унан да бәхетле кеше булмаған.

Бер-ике көндән ир ханымға сюрприз яһарға теләүен белдергән. Музыкант ебәргән каталогтан үҙенә сумка һәм күлдәк һайлаған. Һуңынан уның почтаһына «килтергән өсөн түләгеҙ» тигән «бәхет хаты» килеп төшкән.

Ханым 91 мең һум аҡса күсергән. Аферист 10 тапҡырға күберәк һорағас, ул мутлашыусылар икәнен аңлаған.

Сығанаҡ: Башкортостаным/яңылыҡтар