Благоварҙа –Шәжәрә байрамы

Шәжәрә байрамы сәғәт 10-да Благовар районы мәҙәниәт йортонда башлана. Сарала Бөтә донъя башҡорттары ҡоролтайы башҡарма комитеты ағзалары, тарихсылар ҡатнаша.

Шәжәрәләр күргәҙмәһе менән танышҡас, сарала ҡатнашыусылар Өйҙөрәкбаш ауылына юлланасаҡ. Сәғәт 10.15 генерал-лейтенант Хажиәхмәт Ишбулатовтың бюсына сәскәләр һалыу ҡаралған.

Сәғәт 11.00 «Генерал-лейтенант Ишбулатов Х.И.- танылған башҡорт хәрби эшмәкәре һәм Башҡорт автономияһын ойоштороуҙа әүҙем ҡатнашыусы» темаһына фәнни-ғәмәли конференция башлана.

Генерал-лейтенант Ишбулатов Башҡорт корпусы ғәскәрҙәре баш командующийы вазифаһын биләй. Яңыраҡ был арҙаҡлы шәхескә арнап, китап сыҡты. Уны төҙөүселәр- Бөтә донъя башҡорттары ҡоролтайы башҡарма комитеты ағзалары- тарихсы Азат Ярмуллин һәм Мең ырыуҙары советы рәйесе Әхнәф Тимербулатов. Хажиәхмәт Ишбулатов- Мең ырыуы башҡорто, ул Өйҙөрәкбаш ауылында тыуған.
-----------
#ҡоролтай #курултай #ВсемирныйКурултайБашкир #МеңЫрыуы #башҡорттар