Башҡортостан ҡыҙы халыҡ-ара гүзәллек бәйгеһендә ҡатнаша

30 октябрҙән 8 ноябргә тиклем Төркиәлә «Евразия королеваһы-2021» халыҡ-ара гүзәллек конкурсы уҙғарыла. Евразияның төрлө илдәренән һылыу ҡыҙҙар менән бергә яҡташыбыҙ Альбина Шәйхелисламова ла был бәйгелә һынау тотасаҡ.

Конкурста фото һәм видео-сессия, хәйриә проекттары, экскурсиялар, таланттар шоуы, бикини шоуы ойошторола. Башҡортостан һылыуы Альбина Шәйхелисламова «Мисс Республика-2020» төбәк матурлыҡ конкурсы еңеүсеһе булып танылғайны.

Альбинаға 22 йәш, Башҡорт дәүләт медицина университетында уҡый, ковид-госпиталдә шәфҡәт туташы булып эшләй.

Башинформ.