Рәсәйҙә тулы кәүҙәлеләр арта бара

Мәскәүҙә уҙған фәнни конференцияла диетологтар әлеге актуаль проблеманы сисеү юлдарын эҙләгәндәр. Белгестәр фекеренсә, һимереү эпидемияға әйләнә бара. Ә был үҙ сиратында йөрәк-ҡан тамырҙары авырыуҙары, шәкәр диабетына сәбәп булырға мөмкин. Тәү сиратта, халыҡҡа дөрөҫ туҡланыуҙың ни дәрәжәлә мөһим икәнлеген аңлатырға кәрәк, тип һанай диетологтар. Был мәсьәләлә Рәсәй Һаулыҡ һаҡлау министрлығы етди эш башларға йыйына.