Тәрбиәсе - икенсе әсәй ул

Барыһы ла баш әйләндергес тиҙлек менән үҙгәрә торған донъяла мәңгелек һөнәрҙәр бар. Уларҙың береһе – балалар баҡсаһы тәрбиәсеһе. Блы эш кенә түгел, ә ҙур сабырлыҡ, һиҙгерлек һәм балаларҙы сикһеҙ яратыуҙы талап итә торған һәләт. Бишбүләк ауылының “Улыбка” балалар баҡсаһы тәрбиәсеһе, күп йыллыҡ стажы булған, үҙ эшенә тоғролоҡ һәм юғары һөнәри оҫталыҡ символына әүерелгән Альмира Ивановна Ефимова – үҙ ғүмерен мәктәпкәсә белем алыуға бағышлаған кеше.

Альмира Ивановнаның мәктәпкәсә белем биреүҙәге стажы – хеҙмәт кенәгәһендәге һандар ғына түгел, ә күп йылдар сабыйҙар тураһында ҡайғыртыу, тәрбиәләүгә яңы алымдар эҙләү һәм уйын аша өйрәтеү менән тулған көндәлек хеҙмәт. Уның һөнәри ҡаҙаныштары үҙҙәре өсөн һөйләй. Күптән түгел ул "Йыл тәрбиәсеһе – 2025" конкурсының муниципаль этабында еңеүсе булды, был, бәйгелә педагогтар үҙҙәренең белемдәрен һәм күнекмәләрен генә түгел, белем биреү процесына ижади ҡараш булдырыуҙарын, һәр бала менән индивидуаль эшләүҙәрен дә күрһәтә.

Альмира Ивановнаның эшенә район администрацияһы ла юғары баһа бирә: мәктәпкәсә белем биреүҙе үҫтереүгә индергән намыҫлы хеҙмәте өсөн Рәхмәт хаты – уның хеҙмәтен юғары баһалауҙары тағын бер раҫлау. Шулай ҙа, ҡайһы тәрбиәсе өсөн иң мөһим бүләк – уның тәрбиәләүселәренең уңыштары. Бында ла Альмира Ивановнаның ғорурланыр урыны бар: уның балалары даими рәүештә төрлө конкурстарҙа һәм олимпиадаларҙа ҡатнашып, яҡшы һөҙөмтәләр күрһәтә. Бигерәк тә мәктәпкәсә йәштәге балаларҙың “Мы - гагаринцы!” республика олимпиадаһында ҡатнашыуын билдәләп үтергә кәрәк. Тәрбиләнеүселәрҙең призлы урындары – был уларҙың шәхси еңеүе генә түгел, бәлки балаларҙа ҡыҙыҡһыныусанлыҡ уятырға, логик фекерләүҙе үҫтереүгә һәм ҡатмарлы бурыстарҙан ҡурҡмаҫҡа өйрәткән педагогтың тырыш хеҙмәтенең һөҙөмтәһе лә.

Ләкин һөнәри  уңыштар – тормоштоң бер яғы ғына. Уның ҙур татыу ғаиләһе лә мөһим. Унда, балалар баҡсаһындағы кеүек үк, үҙ-ара аңлашыу һәм ярҙамлашыу хөкөм итә. Альмира Иваановнаның ғаиләһе – ышаныслы тыл, көс һәм илһам сығанағы. Тап бына өйҙә алған энергияһын ул үҙенең тәрбиәләнеүселәренә мул итеп бүләк итә. Альмира Иаановна тарихы – үҙ эшеңде яратыу, хеҙмәт һөйөүсәнлек һәм һөнәргә тоғролоҡтоң донъяны яҡшы яҡҡа үҙгәртергә һәләтле булыу үрнәге ул. Уның менән эшләгән һәр бала белем генә түгел, күңел йылыһының бер өлөшөн дә ала, изгелекле, ярҙамсыл һәм үҙ көсөнә ышана ала, изгелекле, ярҙамсыл һәм үҙ көсөнә  ышанырға өйрәнә.

Марина АНДРЕЕВА,

Бишбүләк ауылының “Улыбка” балалар баҡсаһы мөдире.