"Өфө" аэропортында - өс миллионлы пассажир!

Ул — 04.50 сәғәткә “Азимут” авиакомпанияһының Өфө-Краснодар рейсына теркәлгән Юлай Мәмбәтов (баш ҡалала йәшәй).

Бүләк рәүешендә авиакомпания уға ике кешегә “теге яҡҡа һәм был яҡҡа” түләүһеҙ осоуға сертификат тапшырған. Шулай уҡ ул өс айға түләүһеҙ машина ҡуйыу урынына, иҫтәлекле сувенирҙарға, бизнес-залда хеҙмәтләндереү сертификатына эйә булған.

Аэропорттың генеральный директоры Александр Андреев белдереүенсә, өс миллионлы пассажирҙы ҡаршы алыу аэропорт өсөн бик шатлыҡлы күренеш. Ете йылда пассажирҙар ағымы 83 процентҡа артҡан. Ун ай эсендә “Өфө” аэропортында пассажирҙар һаны, былтырғы менән сағыштырғанда, 17 процентҡа күбәйгән.

"Башинформ" мәғлүмат агентлығы.