Австралиянан Өфөгә - велосипедта!

Ул тыумышы менән Һиндостан ҡыҙы. Әлеге ваҡытта Бөйөк Британиялә спорт менеджменты буйынса белем ала. «Мин Австралияның Перт ҡалаһынан юлға сыҡтым. Дүрт ай ярым эсендә 25 мең саҡрым юл үттем. Австралия аша Яңы Зеландия, Канада, Исландия, Португалия, Испания, Франция, Бельгия, Германия, Дания, Швеция, Финляндия һәм бына инде Рәсәйгә килеп еттем», — ти велосәйәхәтсе Веданджи Кулкарни. Сәйәхәтсе ҡыҙға Рәсәй бик оҡшаған. «Бында кешеләр ярҙамсыл, туҡтап, берәй ярҙам кәрәкмәйме тип һорайҙар, сәй тәҡдим итәләр», — ти ул. Веланджи Рәсәйгә Финляндия аша килеп кергән. Өфөгә ҡәҙәр юл ун көнгә һуҙылған. Әмма был әле сик түгел, сәйәхәтсе ҡыҙ юлын дауам итә…