"Дуҫтар, был бит ғәжәйеп бренд: «Кремль ҡары». Уны банкаларға һалып, Европала һатырға кәрәк. Һатып аласаҡтар, мин һеҙҙе быға ышандырам», — тип билдәләп үткән Ҡыш Бабай.
Ул быйылғы ҡыштың ҡарлы булыу-булмауын теүәл генә әйтә алмаған, әммә Яңы йылдың һис шикһеҙ буласағын вәғәҙә иткән.
Ҡыш Бабай рәсәйҙәрҙән бик күп хат алыуын, өҫтәүенә, уларҙың барыһы ла балаларҙыҡы булмауын билдәләгән. Тылсым эйәһе һәр дүртенсе хаттың өлкән кеше тарафынан яҙылған булыуын, әммә үҙенең барыһына ла яуап бирергә тырышыуын белдергән.