Бауыр рулеты

Эслек өсөн:

Һуған, кишер, тоҙ, борос, үҫемлек майы, һарымһаҡ, майонез

Бауыр ҡоймағы өсөн:

1кг бауыр, 2 ҡалаҡ он, 2 ҡалаҡ һөт, З йомортҡа, тоҙ, борос, үҫемлек майы.

Башта эслеген яһайбыҙ.Һуғанды турайбыҙ, кишерҙе эре ҡырғыстан ыуып, тоҙ, борос, май һалып ҡыҙҙырырға. 1 ҙур һарымһаҡты пресс аша сығарып, майонез менән болғатып ҡуябыҙ.Бауырҙы иттартҡыстан сығарабыҙ, тоҙ, борос һибеп, он, һөт, йомортҡа һалып болгатабыҙ. Массаны майланған табаға ҡоймаҡтан ҙурыраҡ һәм йоҡа итеп йәйеп, ике яғын бешереп алабыҙ ҙа бауыр ҡоймағы өҫтөнә ҡайнар килеш башта һарымһаҡлы майонезды һылайбыҙ, унан ҡыҙҙырған һуған менән кишерҙе һылап, рулет итеп торәбеҙ. Өҫтәлгә ҡуйғанда рулеттарҙы киҫеп, тәрилкәгә теҙергә.

Аштарығыҙ тәмле булһын!