Дим буйҙары
-16 °С
Болотло
75 лет Победы
Бөтә яңылыҡтар
Общие статьи
26 Февраль 2019, 19:33

Башҡортостандың 100 йыллығы уңайынан

Быйыл Башҡортостандың 100 йыллығы уңайынан 53 объектты файҙаланыуға тапшырыу күҙаллана.

Ошо маҡсатҡа республика бюджетынан 6,8 миллиард һум бүленде, тип хәбәр иттеләр Башҡортостандың Төҙөлөш һәм архитектура буйынса дәүләт комитетында.

«Юбилей» объекттары араһында — 19 мәктәп, 14 балалар баҡсаһы, мәҙәниәт һәм һаулыҡ һаҡлау объекттары, ике янғын депоһы һәм 12 спорт комплексы, шул иҫәптән Өфөнөң Затон биҫтәһендә Спорт әҙерлеге үҙәге. Һуңғыһында быйыл уҡ Йәйге халыҡ-ара балалар уйындары уҙа.

«Башинформ» агентлығы хәбәр иткәнсә, Башҡортостандың 100 йыллығына республикала бөтәһе 100-ҙән ашыу яңы инфраструктура объектын һалыу күҙаллана. Уларҙы «Башҡортостандың 100 йыллығына — 100 объект» республика программаһы сиктәрендә төҙөйҙәр.

«Башҡортостандың 100 йыллығына — 100 объект» проекты төҙөлөштәренең барыһы ла социаль әһәмиәткә эйә. Объекттарҙы 2019 йылда республиканың 100 йыллығына тамамлау күҙаллана.