+19 °С
Ясно
Общие статьи
3 Марта 2019, 14:18
Яҙ башы
“Март” атамаһы боронғо латин аллаһы Мартиус (Марсиус, Марс) хөрмәтенә бирелгән тип аңлаталар. Боронғо римлылар фекеренсә, ул үҙендә тәбиғәттең тыуҙырыу, үрсетеү көсөн дә кәүҙәләндергән, көтөүҙәрҙең, сәсеүлектәрҙең һаҡсыһы булып һаналған.
Март беҙҙә оҙаҡ йылдар яңы йылдың беренсе айы булып йөрөгән. Шәмсия календаре буйынса яңы йылдың тәүге көнө итеп көн менән төндөң яҙғы тигеҙлеге ваҡыты (хәҙерге 21 март) иҫәпләнә. Хәҙерге календарь буйынса беренсе марттан рәсми яҙ миҙгеле башланып китһә лә, ысынында иһә байтаҡ ваҡыт ҡыш хаким итә әле. Елле-буранлы көндәр ҙә етерлек. Телебеҙҙә юҡҡа ғына “март бурандары” тигән төшөнсә йәшәмәй.
