+5 °С
Облачно
Общие статьи
9 Марта 2019, 14:55
Гөлдәрҙе күсерәбеҙ
Март-апрель айҙарында бүлмә гөлдәре йәшәреп, бик тиҙ үҫеп китә. Ғәҙәттә был ваҡытта уларҙы күсереп ултырталар. Әмма был кәрәкме-юҡмы икәнен ҡайҙан белергә?
Гөл сүлмәген күтәреп, төбөн ҡарыйҙар. Сүлмәк төбөндәге тишектән тамыр остары күренһә, үҫемлектең һауыты кесерәйгән, тимәк, уны алыштырырға кәрәк.
Гөл сүлмәгендәге тупраҡты тикшерәләр. Ҡайһы берҙә унан әсегән еҫ килә. Был осраҡта ике лә уйламайынса, тупраҡты алмаштыштырып, гөлдө күсереп ултыртыу зарур.
Ҡайһы бер гөлдәрҙең тупрағын алыштырырға ваҡытыбыҙ йәиһә иғтибарыбыҙ етмәй. Үҫемлек оҙаҡ йылдар шулай “үҫә”, ләкин был тупраҡтың составы бик ярлыланған була. Шунлыҡтан уны инде алыштырырға кәрәк.
