Ерек сәскә атҡан мәлдә

Был көндә бәрәңге ултыртыу ҙа отошло икән, уңыш яҡшы буласаҡ тип юрала. Ә бына 22 майҙан һуң ултыртылған бәрәңгенең уңышы яҡшы булмай, имеш.

Бөгөн яҡшылап йыуынып, таҙа кейем кейеп, һаулыҡ теләһәң, теләгең үтәлергә тейеш, тиҙәр.

Бөгөн бер-береңә бүләк биреү ҙә хәйерле икән. Айырыуса балаларҙы, мохтаждарҙы һөйөндөрөү сауаплы. Ә ярҙам һораған кешегә, һис шикһеҙ, ярҙам итергә кәрәк. Юғиһә, үҙең йыл буйына мохтажлыҡ кисереүең бар, тиҙәр.

Көндәр йылы торһа, 22 майҙан һыу инә башларға ла ярай, тигән ышаныс бар халыҡта.

"Ҡыҙыл таң" гәзитенән.